Sharing Economy

Moderatzen: Miguel Ferrer (Sharing España)

Elkarlan-ekonomia joera edo boladako fenomenoa baino zerbait gehiago bihurtu da eta indarrez sartu da. Jeremy Rifkin ekonomialariak, esaterako, ekonomia-paradigma berri gisa jotzen du, Time aldizkariak mundua aldatuko duten 10 ideietako bat bezala ikusten du elkarlan-ekonomia eta 110.000 milioi dolar inguruko potentziala duela kalkulatzen du MITek. Eredu berri honek ekoizpena aldatzea eta modu eraginkorragoan kontsumitzea eskatzen du, negozio-ideia berritzaileei, jasangarriei eta gizartea konektatuta mantentzea eskatzen dutenei esker.

Hori dela-eta, EEC15ek elkarlan-ekonomiari buruzko gune bat izango du, nazioartean ezagunak diren ordezkariekin. Gainera, hainbat gaiei buruz eztabaidatzeko aukera izango dugu adituekin eta enpresa-ordezkariekin: araudiekin eta politika publikoekin lotutako erronkak eta horien aspektuak, ekoizpen-ereduaren eraldakuntza, herritar prosumitzailea edo betiko ereduekin nola elkarbizi. Gainera, merkatuaren beharra aprobetxatzen jakin duten startup demo espainiarrak izango ditugu. Enpresa horiek balio erantsi bat eskaintzen dute elkarlanezkoa eta disruptiboa den zerbitzu batekin.

Txostengileak

Elia Ferrer

EMEA Public Policy – UBER

Elia Ferrer Travék eBay teknologia-enpresaren Frantziako egoitzan eman zituen bere karrera profesionalaren lehen urratsak, eta handik gutxira enpresa bereko Londresko bulegoetara joan zen, Frantzia, Espainia eta Portugalgo Gobernu-harremanetarako saileko bazkide gisa.

Teknologia berrien zale amorratu hau eta horiek hirietako mugikortasuna hobetzeko funtsezko papera betetzen dutela sinetsita, Ferrer Uber enpresan hasi zen lanean 2014ko maiatzean, EMEA (Europa, Ekialde Hurbila eta Afrika) eremuko enpresa kudeatzeaz arduratzen den taldean.

Gaur egun, Europa hegoaldeko (Portugal, Espainia, Italia eta Grezia) Araudi-gaietarako arduradun-postua betetzen du Ferrerrek Uber enpresan. Zuzenbidean lizentziadun hau lankidetza-ekonomiaren araudiari buruz arituko da European Ecommerce Conference 2015 jardunaldian.

Diego Hidalgo

Founder & CEO – Amovens

Amovens, Espainian lankidetza-ekonomian aitzindaria den enpresa, 2009an sortu zuen Diego Hidalgo Demeusois jaunak. Spacebee enpresaren sortzaileetako bat eta Civiclub edo Valiryo gisako beste startup batzuen kolaboratzaile ere bada.

Ekonomian, Politikan eta Filosofian lizentziatua da eta masterra du nazioarteko harremanetan, Science Po-n, eta soziologian, Cambridgeko Unibertsitatean. Unibertsitate horretan, Facebook sare sozialak dituen eragin soziologikoak ikertu zituen. Clinton presidentearen kanpo-politikarako laguntzaile ere izan da New Yorken duen fundazioan. Mago profesionala da eta gaztelania, frantsesa, ingelesa, italiera eta alemana hitz egiten ditu.

Jaime Pla

Founder – SUOP

ICAI enpresako ingeniari industriala eta executive MBA Enpresa-institutuan. 17 urte baino gehiago daramatza telefonia mugikorraren sektorean eta aholkulari gisa aritu da Europako eta Ekialde Hurbileko aktore nagusientzat. 2006tik aurrera, Europako hainbat Operadore mugikor birtual bultzatzen eta martxan jartzen hartu du parte, eta 2013tik aurrera, Suop Mobile enpresa zuzentzen du, bezeroek kudeatzen duten Espainiako lehen operadore mugikorra.

Jon Uriarte

Founder & CEO – Ticketbis

Enpresen Zuzendaritzan eta Administrazioan lizentziatu zen Deustoko Unibertsitatean (La Comercial) eta, gaur egun, Financial Management masterra egiten da hantxe bertan.

Bere karrera profesionala Londresen hasi zuen Merrill Lynch enpresako analista gisa eta, 2005ean, Morgan Stanley enpresak fitxatu zuen, bere Londresko egoitzarako. Bertan, bat-egite eta erosketetan, LBOetan eta banku pribatuan espezializatu zen. 2009an, dimisioa aurkeztu eta ekintzaile gisa hasi zen Ander Michelenarekin batera. Gaur egun, Ticketbis enpresaren sortzaile eta CEO da.

Arturo Cervera

Founder & CEO – Comunitae

Arturo Cervera Comunitae enpresaren sortzailea, presidentea eta zuzendari nagusia da. Espainian crowdlending-ean aitzindaria eta liderra den ekonomia-sektorearekin lotutako plataforma hori 2008. urtean sortu zen.

Cervera goi-mailako industria-ingeniariak finantza-ekosistemen inguruan garatu du bere karrera profesionala. Handizkako bankuaren, enpresa-bankuen eta merkataritza-bankuaren arloetako negozioak garatzen aritu da BBVAn.

Aurten, European Ecommerce Conference jardunaldiaren bederatzigarren edizioko eszenatokira igoko da, bere enpresaren ikuspegitik, lankidetza-ekonomia nolako fenomenoa den azaltzera.

Mireia Badia

Co-founder & CEO – Grow.ly

Mireia Badia Grow.ly enpresaren zuzendari exekutiboa eta sortzaileetako bat da. Nazioarteko enpresa-zientzietan (E-4) graduduna da ICADEn eta DCUn (Dublin). Nahiz eta gaztea izan, 4 urteko esperientzia pilatu du mundu profesionalean eta Santander UK eta ING Direct gisako enpresetan egin du lan. Atzerrian egon zen urteetan, lankidetza-ekonomiaren garapenaz jabetu zen eta Grow.ly sortzea erabaki zuen, ETEentzako maileguen crowdlending plataforma bat, 2014ko ekainean Barrabesekin batera. Urtebete eskasean, dituen 800 erabiltzailek baino gehiagok 1 milioi euro baino gehiago mailegatu diete herrialdeko 40 enpresei.

Joseba Cortázar

Communications Manager Spain & Portugal – HomeAway

Sareko turismo-kazetaritzak eta komunikazioak markatu dute Joseba Córtazarren ibilbide profesionala, HomeAway enpresako Espainiako eta Portugalgo komunikazio-zuzendariarena. Enpresan duen postutik, munduko oporretarako alokairuen web-taldearen kanpo- eta barne-komunikazioaren buru da profesional hau (HomeAway, Homelidays eta Toprural bezalako markekin).

HomeAway enpresako Espainiako eta Portugalgo komunikazio-zuzendaria izan baino lehen, Cortázar Toprural orriaren Komunikazio-zuzendaria izan zen, landa-turismoari buruzko atari nagusia Europan, HomeAway talde amerikarrak erosi arte. Gainera, nazioarteko komunikazio-agentzia ospetsuetan garatu du bere karrera profesionala, hala nola Burson-Marsteller agentzian, multinazionalen komunikazio-lider gisa aritu zen.

Cortázar irakaskuntzan ere aritu da, KSchool, IAB Spain edo Salamancako Unibertsitateko irakasle-klaustroko kide izan da. European Ecommerce Conference jardunaldiaren bederatzigarren edizio honetan bere esperientziaren berri emango digu.

Óscar Pierre

Founder – Glovo

Lankidetza-ekonomia tradizionalki saretik kanpo mugitzen ziren sektore asko ari da iraultzen eta sektore horiek ez dute beti aprobetxatzen jakin Interneten zabalkuntzak eskain ziezazkieketen abaguneak. Óscar Pierre joera hori identifikatzen jakin duen enpresarietako bat izan da eta joera horren parte izatera eta Espainian izan duen bilakaeran parte hartzera iritsi da.

Georgia Tech-en ikasten ari zela lankidetza-ekonomiak erabiltzaileek kontsumitzeko zuten modua aldatzen ari zela ikusi zuen eta, Airbus enpresan 7 hilabeteko stage bat egin ostean, argi izan zuen bere enpresa sortu nahi zuela. Glovo sortu zuen, lankidetza-kontsumoko mezularitzarako aplikazio bat.

Ikasketez ingeniari aeroespaziala eta pasioz ekintzailea den Pierrek lankidetza-ekonomian oinarritutako beste enpresa batzuk ere sortu ditu, adibidez, 2014an LoveItLocal.es sortu zuen, artisautzako tokiko negozioak bultzatu nahi dituen proiektu bat. Filantropo ere badenez, 2010ean Zikkomo ere sortu zuen, Katalunia eta Malawi artean 30 umeri laguntza emateko plataforma solidarioa.

Rodrigo Kuri

Managing Director – Bank of the Future – Santander

Santander bankuko merkataritza-bankuan ia 15 urteko esperientziarekin, Rodrigo Kuri Taldearen Etorkizuneko Bankuaren buru da gaur egun. Madrilera bizitzera etorritako mexikar hau Santander bankuaren berrasmakuntza digitaleko estrategiak eta proiektuak entregatzeaz arduratzen da Berrikuntzaren Zuzendaritza Nagusiari.

Aurrez, Kurik Santander bankuaren Espainiarako Kanal anitzeko negozio-arloaren buru izan da. 10 urtez baino gehiagoz Mexikoko Santander bankurako aritu zen. Bertan, Inbertsio-bankuaren bazkide gisa hasi zen lanean, gero Segmentu txikizkarien zuzendari bihurtu zen, ondoren Mexiko Hiriko eskualde-zuzendaritzaren arduradun izendatu zuten eta azkenik Merkataritza-estrategiaren zuzendari orokor izatera heldu zen, segmentuen, produktuen, kanalen, CRMren eta marketinaren arloen buru izanez.

Ashoka Babes-sarearen (Ashoka Support Network) kide aktiboa den, gizarte-ekintzaileen nazioarteko sare handienekoa, Kurik aurten European Ecommerce Conference jardunaldiaren bederatzigarren edizioan hartuko du parte.

Isidro González de Vega

Institutional Relations – OCU

Isidro González de Vega Espainiako Kontsumitzaileen eta Erabiltzaileen Elkarteko (OCU) Erakunde-harremanen eta Komunikazioen saileko arduraduna da. kontsumitzaileei informazioa eta arreta eskaintzen dizkien irabazi asmorik gabeko elkartea OCU.

González erakunde arteko harremanen eta nazioarteko harremanen estrategiak garatzeaz eta exekutatzeaz, stakeholder-ekin harremanetan egoteaz, lege-garapenei buruzko aholkuak emateaz, komunikazio-estrategiez, elkartea ordezkatzeaz eta ekitaldiak antolatzeaz arduratzen da.

Erakunde harremanen arduradun izanik, aholkulari gisa ere jardun du askotan, baita Llorente & Cuenca enpresako Gai Publikoetarako aholkulari gisa ere. Lankidetza-ekonomiari buruz hitz egingo du European Ecommerce Conference 2015 jardunaldian.

Gonzalo Úrculo

Co-founder – Naranjas del Carmen

2.0 nekazaria izanik, Gonzalo Úrculo Naranjas del Carmen enpresaren sortzaileetako bat da, bere anaia-arrebekin batera. Enpresa horretan, crowdfarming-a egiten da, sharing economy-aren adibide argia nekazaritzan. Negozio-eredu honetan kontsumitzailea laborantza-prozesuaren parte izatera pasatzen da eta elikagaiak xahutzea saihesten da.

Naranjas del Carmen enpresan laboreak landatu, bildu eta Europa guztiko azken kontsumitzaileei bidaltzen diete eta sarearen bidez zitriko gehien esportatzen dituen enpresa izatera iritsi da.

Úrculok, gainera, HUI! komunitatea ere sortu du, etxeetan barazkiak landatzeko Adimen Artifizialeko algoritmoak erabiltzen dituzten hiri-nekazarien komunitatea, erabiltzaileen esperientzietan oinarrituta. European Ecommerce Conference 2015 jardunaldiko eszenatokian azalduko digu nola funtzionatzen duen crowdfarming-ak eta zein abantaila dituen.

Ignacio de la Hera

Managing Director – Etece

Enpresen zuzendaritzan eta Zuzenbidean lizentziaduna Pablo de Olavide Unibertsitatean. 2014ko urrian, etece enpresan hasi zen lanean zuzendari nagusi gisa. 2012tik aurrera, Sendmoments enpresako Herrialdeko manager postuan aritu zen eta startupa Espainian ezartzearen eta marketin digitalaren estrategiaren arduradun izan zen. 2008tik aurrera, Zieltraffic enpresan aritu zen lanean, sareko marketinean aditu den Alemaniako enpresan. Bertan Espainiako Zieltraffic enpresako buru izan zen. Bere ibilbide guztia sareko marketinaren eta estrategia digitalen inguruan biratzen da.

María Sobrino

Sub-director of Studies and Reports in the Department of Competition Promotion – CNMC

María Sobrinok Merkatuen eta Lehiaren Batzorde Nazionalaren (CNMC) eta Industria, Turismo eta Merkataritza Ministerioaren artean garatu du bere jarduera profesionala. Sustapen-zuzendaritzako Ikerketen azpizuzendaritzako Arloko zuzendari postua eta Europar Batasuneko Merkataritza-politikarako Azpizuzendaritza orokorraren zerbitzu-zuzendari postua bete ditu toki horietan, hurrenez hurren.

CNMC 2013an sortu zen eta orduz geroztik hasi zen lanean bertan Sobrino eta Garraio-zuzendaritzako Trenbide-alorreko eta Posta-alorreko azpizuzendari lanetan aritu da.

European Ecommerce Conference 2015 jardunaldian CNMCko Lehia Sustatzeko Saileko Ikerketen eta Txostenen Azpizuzendariak parte hartuko du eta Espainian lankidetza-ekonomiak duen inpaktuari buruz hitz egingo digu.

María Álvarez

Manager of Public Affairs and Institutional Relationships – Adigital

María Álvarez Caro Ekonomia Digitalaren Espainiako Elkarteko (Adigital) Gai Publikoen eta Erakunde-harremanen managerra da. Postu hori Madrilgo Unibertsitate Autonomoan irakasten den Jabetza Intelektualari eta Teknologia Berriei buruzko Zuzenbide Masterreko irakasle-laguntzaile lanarekin uztartzen du.

Zuzenbidean lizentziatu da eta benetako aditua datuen babesean, informazioaren sarbidean eta gardentasunean. Esaterako, “Derecho al olvido en Internet: el nuevo paradigma de la privacidad en la Era Digital” monografiaren egilea da. Lan horrekin, gainera, San Pablo CEU Unibertsitateko Google-ren Pribatutasuna, Gizartea eta Berrikuntza Katedraren 2013ko Ikerketa saria irabazi zuen.

2015eko azaroaren 18 eta 19an egingo den European Ecommerce Conference jardunaldiko lankidetza-ekonomiari buruzko sailean hartuko du parte.

Miguel Ferrer

Consultant & Advisor – Sharing España

Miguel Ferrer BRKTHR enpresaren zuzendaria eta sortzailea da. Gai publikoetan eta ekonomia-sektoreko hainbat alorretako araudietan duen esperientzia dela-eta, bere lana berrikuntzari eta negozio-eredu disruptibo berriei lotutako araudia sustatzean eta egokitzean jarri du arreta, baita interesak defendatzeko enpresa-koalizioak bultzatzen laguntzean ere. Gainera, politika publikoen irakasle da Pompeu Fabra Unibertsitatean eta Erakunde-harreman Profesionalen Espainiako Elkartearen (APRI) Zuzendaritza-batzordeko kide ere bada.

Ikasketei dagokienez, Zuzenbidean lizentziaduna da Bartzelonako Unibertsitatean, Ramon Llull-ESADE Unibertsitateko Masterra du Jabetza Intelektualean eta Informazioaren Gizartean eta Europako erakundeetan hainbat ikastaro egin ditu.

Sharing España eta OuiShare kolektiboan kolaboratzen du eta lankidetza-negozioen eta P2P gidalerroei eta araudiei buruzko blog bat du, www.ecolaborativa.com.